ਚਮਕੌਰ ਸਾਹਿਬ, 14 ਜੁਲਾਈ (ਮਨਿੱਤ ਕੁਮਾਰ ਮੋਟੂੰ)-ਸਥਾਨਕ ਕਸਬੇ ਦੇ ਬਰਸਾਤੀ ਨਾਲੇ ਅਤੇ ਹੋਰ ਥਾਵਾਂ ਲਈ ਨਗਰ ਪੰਚਾਇਤ ਚਮਕੌਰ ਸਾਹਿਬ ਵੱਲੋਂ ਸੇਵਾ ਤੇ ਲਾਈ ਜੇ.ਸੀ.ਬੀ. ਮਸ਼ੀਨ ਨੂੰ ਅੱਜ ਸਹਾਇਕ ਟਰਾਂਸਪੋਰਟ ਅਫਸਰ ਨੇ ਥਾਣੇਬੰਦ ਕਰਵਾ ਦਿੱਤਾ। ਨਗਰ ਪੰਚਾਇਤ ਦੇ ਪ੍ਰਧਾਨ ਅਮਨਦੀਪ ਸਿੰਘ ਮਾਂਗਟ ਸਮੇਤ ਕਈ ਕੌਂਸਲਰ ਅਤੇ ਸਥਾਨਕ ਵਾਸੀਆਂ ਵੱਲੋਂ ਇਸ ਦਾ ਵਿਰੋਧ ਕਰਨ ਅਤੇ ਐਸ.ਡੀ.ਐਮ. ਸ੍ਰੀ ਜੇ.ਸੀ. ਸਭਰਵਾਲ ਵੱਲੋਂ ਦਖਲ ਦੇਣ ’ਤੇ ਮਸ਼ੀਨ ਨੂੰ ਛੁਡਵਾਇਆ ਗਿਆ। ਪ੍ਰਧਾਨ ਅਮਨਦੀਪ ਸਿੰਘ ਮਾਂਗਟ ਨੇ ਦੱਸਿਆ ਕਿ ਚਮਕੌਰ ਸਾਹਿਬ ਨਗਰ ਪੰਚਾਇਤ ਕੋਲ ਫੰਡਾਂ ਦੀ ਘਾਟ ਹੋਣ ਕਾਰਨ ਉਕਤ ਮਸ਼ੀਨ ਸੇਵਾ ਵਜੋਂ ਕਸਬੇ ਦੀ ਸਫਾਈ ਲਈ ਲਗਾਈ ਹੋਈ ਸੀ।

ਮੋਹਾਲੀ, 14 ਜੁਲਾਈ (ਵੀਨਾ ਰਾਜਪੂਤ)- ਜ਼ਿਲਾ  ਭਾਸ਼ਾ ਕਮੇਟੀ ਵਲੋਂ ਅੱਜ ਸਰਕਾਰੀ ਦਫਤਰਾਂ  ਵਿਚ ਪੰਜਾਬੀ ਭਾਸ਼ਾ ਦੀ ਵਰਤੋਂ ਨੂੰ ਯਕੀਨੀ  ਬਣਾਉਣ ਲਈ ਆਰੰਭੇ ਗਏ ਯਤਨਾਂ ਦੇ ਤਹਿਤ ਅੱਜ ਚੋਣ ਦਫਤਰ ਅਤੇ ਮਿਊਂਸਪਲ ਕੌਂਸਲ ਮੋਹਾਲੀ ਦਾ ਦੌਰਾ ਕੀਤਾ ਗਿਆ। ਕਮੇਟੀ ਵਲੋਂ ਜ਼ਿਲਾ ਭਾਸ਼ਾ ਅਫਸਰ ਮਨਜੀਤ ਕੌਰ, ਪੱਤਰਕਾਰ ਗੁਰਪ੍ਰੀਤ ਸਿੰਘ ਨਿਆਮੀਆਂ ਅਤੇ ਪੱਤਰਕਾਰ ਕੇਵਲ ਸਿੰਘ ਰਾਣਾ (ਦੋਵੇਂ ਮੈਂਬਰ ਕਮੇਟੀ) ਨੇ ਇਨ੍ਹਾਂ ਦਫਤਰਾਂ ਵਿਚ ਜਾ ਕੇ ਕੰਮਕਾਜ ਦੀ ਜਾਂਚ ਕੀਤੀ। ਜ਼ਿਲਾ  ਭਾਸ਼ਾ ਅਫਸਰ ਮਨਜੀਤ ਕੌਰ ਨੇ ਦਫਤਰਾਂ ਦੀ ਚੈਕਿੰਗ ਤੋਂ ਬਾਅਦ ਦੱਸਿਆ ਕਿ ਚੋਣ ਦਫ਼ਤਰ ਦਾ ਸਾਰਾ ਕੰਮਕਾਜ 100 ਫੀਸਦੀ ਪੰਜਾਬੀ ਵਿਚ ਪਾਇਆ ਗਿਆ, ਪਰ ਮਿਊਂਸਪਲ ਕੌਂਸਲ ਮੋਹਾਲੀ ਵਿਚ 80 ਫੀਸਦੀ ਕੰਮ ਪੰਜਾਬੀ ਵਿਚ ਹੋ ਰਿਹਾ ਸੀ, ਜਦਕਿ ਕੁੱਝ ਵਿੰਗਾਂ ਵਲੋਂ ਅਜੇ ਵੀ ਅੰਗਰੇਜ਼ੀ ਦਾ ਮੋਹ ਨਹੀਂ

(more…)

ਸਮਾਣਾ, 14 ਜੁਲਾਈ (ਪੱਤਰ ਪ੍ਰੇਰਕ)-ਪੰਜਾਬ ਦੇ ਖੇਤਾਬਾੜੀ ਮੰਤਰੀ ਸ. ਸੁੱਚਾ ਸਿੰਘ ਲੰਗਾਹ ਨੂੰ ਪਟਿਆਲਾ ਜ਼ਿਲ੍ਹੇ ਦੇ ਹੜ੍ਹ ਪ੍ਰਭਾਵਿਤ ਇਲਾਕੇ ਦੇ ਦੌਰਾ ਕਰਨ ਉਪਰੰਤ ਐਲਾਨ ਕੀਤਾ ਹੈ ਕਿ ਹੜ੍ਹ ਤੋਂ ਪ੍ਰਭਾਵਿਤ ਕਿਸਾਨਾਂ ਨੂੰ 5 ਕਰੋੜ ਰੁਪਏ ਦੇ ਮੁੰਗੀ, ਪਿਛੇਤਰ ਝੋਨੇ ਅਤੇ ਚਾਰੇ ਆਦਿਕ ਦੇ ਪੀਜ ਮੁਫਤ ਦਿੱਤੇ ਜਾਣ ਤਾਂ ਜੋ ਉਨ੍ਹਾਂ ਨੂੰ ਕਿਸੇ ਤਰ੍ਹਾਂ ਦੀ ਦਿੱਕਤ ਦਾ ਸਾਹਮਣਾ ਨਾ ਕਰਨਾ ਪਵੇ। ਉਨ੍ਹਾਂ ਕਿਹਾ ਕਿਸਾਨਾਂ ਦੀ ਬਰਬਾਦੀ ਬਹੁਤ ਹੋਈ ਹੈ ਅਤੇ ਸਰਕਾਰ ਔਖੇ ਸਮੇਂ ਉਨ੍ਹਾਂ ਦੇ ਨਾਲ ਹੈ। ਸਮਾਣਾ ਵਿਖੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਸ. ਲੰਗਾਹ ਨੇ ਕਿਹਾ ਕਿ ਹੜ੍ਹ ਦੇ ਪਾਣੀ ਨੇ ਮੀਲਾਂ ਤੱਕ ਮਾਰ ਕੀਤੀ ਹੈ। ਹੜ੍ਹ ਨਾਲ ਫਸਲਾਂ ਤਬਾਹ ਹੋ ਗਈਆਂ ਹਨ, ਗਰੀਬ ਲੋਕਾਂ ਦੇ ਮਕਾਨ ਡਿੱਗ ਪਏ ਹਨ ਅਤੇ ਇਲਾਕੇ ਵਿਚ ਸਮੱਸਿਆਵਾਂ ਪੈਦਾ ਹੋ ਗਈਆਂ ਹਨ, ਇਸ ਲਈ ਸਰਕਾਰ ਨੇ ਸਾਰੇ ਪੱਖਾਂ ਨੂੰ ਧਿਆਨ ਵਿੱਚ ਰੱਖ

(more…)

ਲੁਧਿਆਣਾ, 14 ਜੁਲਾਈ (ਰਾਜ ਜੋਸ਼ੀ)-ਜਿਲਾ ਪੱਧਰੀ ਸਲਾਹਕਾਰ  ਕਮੇਟੀਆਂ ਵਿੱਚ ਮੈਂਬਰਾਂ ਦੀਆਂ ਸਾਂਝੀਆਂ ਸਮੱਸਿਆਵਾਂ ’ਤੇ ਵਿਚਾਰ-ਵਟਾਦਰਾਂ ਕਰਨ ਉਪਰੰਤ ਯੋਗ ਕਾਰਵਾਈ  ਕੀਤੀ ਜਾਂਦੀ ਹੈ, ਜਿਸ ਸਦਕਾ ਲੋਕਾਂ ਦੀਆਂ ਮੁਸ਼ਕਲਾਂ ਹੱਲ ਕਰਨ ਲਈ ਇਹ ਕਮੇਟੀਆਂ ਬਹੁਤ ਲਾਹੇਵੰਦ ਸਾਬਤ ਹੋ ਰਹੀਆਂ ਹਨ। ਇਹ ਪ੍ਰਗਟਾਵਾ ਸ੍ਰੀ ਦਵਿੰਦਰ ਸਿੰਘ ਵਧੀਕ ਡਿਪਟੀ ਕਮਿਸ਼ਨਰ (ਵਿਕਾਸ) ਨੇ ਅੱਜ  ਸਰਕਟ ਹਾਊਸ ਲੁਧਿਆਣਾ ਵਿਖੇ ਪੰਜਾਬ ਰਾਜ  ਪਾਵਰ ਟਰਾਂਸਮਿਸ਼ਨ ਨਿਗਮ, ਨਗਰ ਨਿਗਮ, ਖੁਰਾਕ  ਤੇ ਸਪਲਾਈ ਵਿਭਾਗ, ਸਿੰਚਾਈ ਵਿਭਾਗ, ਗਲਾਡਾ, ਸਹਿਕਾਰਤਾ ਅਤੇ ਸਮਾਜਿਕ ਸੁਰੱਖਿਆ ਵਿਭਾਗ  ਦੀਆਂ ਸਲਾਹਕਾਰ ਕਮੇਟੀਆਂ ਦੀ ਮੀਟਿੰਗ ਦੀ ਪ੍ਰਧਾਨਗੀ ਕਰਦਿਆਂ ਕੀਤਾ। ਪੰਜਾਬ ਰਾਜ ਪਾਵਰ ਟਰਾਂਸਮਿਸ਼ਨ ਨਿਗਮ ਸਲਾਹਕਾਰ ਕਮੇਟੀ ਦੀ ਮੀਟਿੰਗ ਨੂੰ  ਸੰਬੋਧਨ ਕਰਦਿਆਂ ਵਧੀਕ ਡਿਪਟੀ ਕਮਿਸ਼ਨਰ ਨੇ ਕਿਹਾ ਕਿ ਮੈਂਬਰਾਂ ਵੱਲੋਂ ਨਿਗਮ ਦੀ ਕਾਰਗੁਜਾਰੀ  ਤੇ ਤਸੱਲੀ ਦਾ ਪ੍ਰਗਟਾਵਾ ਕੀਤਾ ਹੈ। ਸ੍ਰੀ  ਐਨ.ਪੀ.ਸਿੰਘ ਕਾਰਜਕਾਰੀ ਇੰਜਨੀਅਰ ਨੇ ਕਿਹਾ

(more…)

ਮੋੜ ਮੰਡੀ, 14 ਜੁਲਾਈ (ਸ਼ਾਮ ਲਾਲ ਜੋਧਪੁਰੀਆ)-ਅੱਜ ਸਥਾਨਕ ਮੋੜ ਕਲਾਂ ਫਰੈਡਜ ਕਲੱਬ ਵਿੱਚ ਸਟੇਟ ਏਡਜ ਕੰਟਰੋਲ ਸੁਸਾਇਟੀ ਅਤੇ ਨਹਿਰੂ ਯੁਵਾ ਕੇਦਰ ਬੰਿਠਡਾ ਵੱਲੋ ਲਾਇਬ੍ਰੇਰੀ ਵਿੱਚ ਇੱਕ ਦਿਨਾ ਵਰਕਸ਼ਾਪ ਦਾ ਆਯੋਜਨ ਕੀਤਾ ਗਿਆ । ਇਸ ਵਰਕਸ਼ਾਪ ਵਿੱਚ ਬਲਾਕ ਮੋੜ ਨਾਲ ਸਬੰਧਤ ਕਲੱਬਾਂ ਵੱਲੋ ਸਮੂਲੀਅਤ ਕੀਤੀ ਗਈ । ਇਸ ਵਰਕਸ਼ਾਪ ਵਿੱਚ ਏਡਜ ਨਾਲ ਸਬੰਧਤ ਜਾਣਕਾਰੀ ਅਤੇ ਇਸ ਤੋ ਹੋਣ ਵਾਲੇ ਨੁਕਸਾਨ ਅਤੇ ਬਚਾਉ ਸਬੰਧੀ ਖੁਲੀ ਜਾਣਕਾਰੀ ਦਿੱਤੀ ਗਈ । ਇਸ ਦੌਰਾਨ ਨਰਿੰਦਰ ਕੁਮਾਰ ( ਡੀ.ਸੀ.ਈ. ) ਨੇ ਏਡਜ ਨਾਲ ਪ੍ਰਭਾਵਿਤ ਇਲਾਕੇ ਅਤੇ ਇਸ ਦੇ ਮਰੀਜਾਂ ਦਾ ਖੁੱਲਾ ਰਿਕਾਰਡਜ ਨਾਲ ਆਏ ਹੋਏ ਸਰੋਤਿਆਂ ਨੂੰ ਆਪਣੀ ਸੂਝ ਨਾਲ ਕੀਲੀ ਰੱਖਿਆ । ਆਏ ਹੋਏ ਸਰੋਤਿਆਂ ਵੱਲੋ ਪੁੱਛੇ ਗਏ ਸਵਾਲਾਂ ਦਾ ਜਵਾਬ ਬੜੇ ਵਧੀਆ ਸਲੀਕੇ ਨਾਲ ਦਿੱਤੇ ।

(more…)

ਚਮਕੌਰ ਸਾਹਿਬ, 14 ਜੁਲਾਈ (ਮਨਿੱਤ ਕੁਮਾਰ ਮੋਟੂੰ)-ਕਾਲੇਮਾਜਰਾ ਦੇ ਕਰੀਬ 100 ਏਕੜ ਫਸਲ ਅਜੇ ਵੀ ਦੋ-ਦੋ ਫੁੱਟ ਪਾਣੀ ਖੜ੍ਹਾ ਹੈ, ਇਸ ਨਾਲ ਜੀਰੀ, ਚਾਰਾ ਤੇ ਸਬਜ਼ੀਆਂ ਬੁਰੀ ਤਰ੍ਹਾਂ ਪ੍ਰਭਾਵਿਤ ਹੋਈਆਂ ਹਨ। ਅੱਜ ਪਿੰਡ ਚੂਹੜਮਾਜਰਾ ਦੇ ਕਿਸਾਨ ਨਛੱਤਰ ਸਿੰਘ, ਬਲਬੀਰ ਸਿੰਘ, ਕਾਕਾ ਸਿੰਘ, ਕਰਤਾਰ ਸਿੰਘ, ਜਵਾਰਾ ਕਲਾਂ ਦੇ, ਬਹਾਦਰ ਸਿੰਘ, ਦੰਗਲ ਸਿੰਘ, ਕਾਲੇਮਾਜਰਾ ਦੇ ਕੁਲਵੰਤ ਸਿੰਘ, ਲਾਭ ਸਿੰਘ, ਕੁਲਵਿੰਦਰ ਸਿੰਘ ਤੇ ਜੰਗ ਸਿੰਘ ਨੇ ਦੱਸਿਆ ਕਿ ਪਿੰਡ ਮਕੜੋਲਾ ਰੁੜਕਾ ਹੀਰਾਂ, ਬਰਸਾਲਪੁਰ ਵੱਲੋਂ ਆਇਆ ਬਰਸਾਤੀ ਪਾਣੀ ਉਕਤ ਪਿੰਡਾਂ ਦੇ ਖੇਤਾਂ ਵਿੱਚ ਰੁੱਕ ਗਿਆ ਹੈ, ਜਿਸ ਨਾਲ ਹੁਣ ਖੇਤਾਂ ਵਿੱਚ ਬੀਜੀਆਂ ਫਸਲਾਂ ਪਾਣੀ ਦੀ ਮਾਰ ਹੇਠ ਆਈਆਂ ਪਈਆਂ ਹਨ, ਜਿਨ੍ਹਾਂ ਦਾ ਕਾਫੀ ਨੁਕਸਾਨ ਹੋਇਆ ਹੈ। ਉਪਰੋਕਤ ਕਿਸਾਨਾਂ ਨੇ ਦੱਸਿਆ ਕਿ ਪਿੰਡ ਚੂਹੜਮਾਜਰਾ ਜ਼ਿਲ੍ਹਾ ਰੋਪੜ ਵਿੱਚ ਅਤੇ ਕਾਲੇਮਾਜਰਾ ਤੇ ਹਵਾਰਾ ਕਲਾਂ, ਫਤਿਹਗੜ੍ਹ ਸਾਹਿਬ ਜ਼ਿਲ੍ਹੇ ਵਿੱਚ ਪੈਂਦੇ ਹਨ ਅਤੇ ਤਿੰਨਾਂ ਪਿੰਡਾਂ ਦੇ ਨਾਲ ਜ਼ਮੀਨ ਲਗਦੀ ਹੈ। ਇਨ੍ਹਾਂ ਕਿਸਾਨਾਂ ਨੇ ਮੰਗ ਕੀਤੀ ਹੈ ਕਿ ਉਨ੍ਹਾਂ ਦੀਆਂ ਫਸਲਾਂ ਦੇ ਹੋਏ ਨੁਕਸਾਨ ਦੀ ਗਰਦਾਵਰੀ ਕਰਵਾ ਕੇ ਜਲਦ ਮੁਆਵਜੇ ਦਿੱਤੇ ਜਾਣ।

ਮੋਹਾਲੀ, 14 ਜੁਲਾਈ (ਵੀਨਾ ਰਾਜਪੂਤ)- ਪਿਛਲੇ ਦਿਨੀਂ ਭਾਰੀ ਬਰਸਾਤ ਕਾਰਨ ਸਾਹਿਬਜ਼ਾਦਾ  ਅਜੀਤ ਸਿੰਘ ਨਗਰ ਜ਼ਿਲ੍ਹੇ ਦੇ ਕੁਝ ਪਿੰਡਾਂ  ਵਿੱਚ ਹੜ੍ਹਾਂ ਦਾ ਪਾਣੀ ਦਾਖਿਲ ਹੋ ਗਿਆ ਸੀ ਅਤੇ ਜਿਸ ਨਾਲ ਲੋਕਾਂ ਦਾ ਮਾਲੀ ਨੁਕਸਾਨ ਵੀ ਹੋਇਆ ਸੀ। ਇਹਨਾਂ ਪਿੰਡਾਂ ਲਈ ਵਿਸ਼ੇਸ਼ ਟੀਮਾਂ ਦਾ ਗਠਨ ਕੀਤਾ ਗਿਆ ਹੈ ਤਾਂ ਜੋ ਲੋਕਾਂ ਨੂੰ ਜੋ ਲੋੜੀਂਦੀਆਂ ਸਹੂਲਤਾਂ ਮੁਹੱਈਆ ਕਰਵਾਈਆਂ ਜਾ ਸਕਣ। ਇਸ ਗੱਲ ਦੀ ਜਾਣਕਾਰੀ ਦਿੰਦਿਆਂ ਸ੍ਰ: ਪ੍ਰਭਜੋਤ ਸਿੰਘ ਮੰਡ ਡਿਪਟੀ ਕ੍ਰਿਮਸ਼ਨਰ ਨੇ ਹੜ੍ਰਾਂ ਤੋਂ ਪ੍ਰਭਾਵਿਤ ਪਿੰਡਾਂ ਵਿਖੇ ਚਲ ਰਹੇ ਰਾਹਤ ਕਾਰਜਾਂ ਸਬੰਧੀ ਸੱਦੀ ਗਈ ਮੀਟਿੰਗ ਦੀ ਪ੍ਰਧਾਨਗੀ ਕਰਨ ਉਪਰੰਤ ਦਿੱਤੀ ਉਹਨਾਂ ਇਸ ਮੌਕੇ ਅਧਿਕਾਰੀਆਂ ਨੂੰ ਹਦਾਇਤਾਂ ਦਿੱਤੀਆ ਕਿ ਉਹ ਹੜ੍ਹਾਂ ਤੋਂ ਪ੍ਰਭਾਵਿਤ ਪਿੰਡਾਂ ਦਾ ਸਮੇਂ ਸਮੇਂ ਦੋਰਾ ਕਰਕੇ ਲੋਕਾਂ ਨੂੰ ਦਰਪੇਸ਼ ਮੁਸ਼ਕਿਲਾਂ ਦੇ ਫੌਰੀ ਹੱਲ ਨੂੰ ਯਕੀਨੀ ਬਣਾਉਣ। ਉਹਨਾਂ ਦੱਸਿਆ ਕਿ ਐਸ.ਏ.ਐਸ.ਨਗਰ

(more…)

ਚੰਡੀਗੜ੍ਹ, 14 ਜੁਲਾਈ (ਹਰਮਿੰਦਰ ਸਿੰਘ ਨਾਗਪਾਲ)-ਇਹ ਕਹਾਣੀ 16 ਜੀਆਂ ਵਾਲੇ ਉਸ ਪਰਿਵਾਰ ਦੀ ਹੈ, ਜਿਸ ਦੇ ਮੁੱਖੀ ਜੈ. ਐੱਸ. ਲਾਂਬਾ 1973 ਤੋਂ ਆਪਣੇ ਪਿਤਾ ਕੇਸਰ ਸਿੰਘ ਲਾਂਬਾ ਦੇ ਨਾਲ ਸਬਜ਼ੀ ਮੰਡੀ ਸੈਕਟਰ 26 ਵਿੱਚ ਆਪਣੀ ਆੜ੍ਹਤ ਦੀ ਦੁਕਾਨ ਚਲਾ ਕੇ ਆਪਣੇ ਪਰਿਵਾਰ ਦਾ ਪੇਟ ਭਰ ਰਿਹਾ ਸੀ। ਪਰ ਅਚਾਨਕ ਪ੍ਰਾਪਰਟੀ ਦੇ ਝਗੜੇ ਕਰਕੇ ਉਸ ਦੀ ਦੁਕਾਨ ਉਸ ਦੇ ਭਤੀਜਿਆਂ ਨੇ ਦਬਾ ਲਈ ਅਤੇ ਜਿਸ ਨਾਲ ਇਸ ਪਰਿਵਾਰ ’ਤੇ ਬਿਪਤਾ ਦਾ ਪਹਾੜ ਟੁੱਟ ਪਿਆ। ਮਾਰਕੀਟ ਕਮੇਟੀ ਨੂੰ ਲੱਖਾਂ ਰੁਪਏ ਫੀਸ ਜਮਵਾਂ ਕਰਵਾ ਚੁੱਕੇ ਇਸ ਪਰਿਵਾਰ ਦਾ ਲਾਇਸੈਂਸ 31-3-2009 ਤੋਂ ਬਾਅਤ ਰੀਨਿਊ ਨਹੀਂ ਕੀਤਾ ਗਿਆ। ਇੱਕ ਸਾਲ ਧੱਕੇ ਖਾਣ ਕੇ ਆਖਰ ਡੀ.ਸੀ. ਚੰਡੀਗੜ੍ਹ ਦੇ ਹੁਕਮਾਂ ਨਾਲ ਇਸ ਪਰਿਵਾਰ ਦਾ ਲਾਇਸੈਂਸ ਬਹਾਲ ਕੀਤਾ ਗਿਆ। ਜੇ.ਐੱਸ. ਲਾਂਬਾ ਨੇ ਕਿਹਾ ਕਿ ਮੈਂ ਡੀ.ਸੀ. ਚੰਡੀਗੜ੍ਹ ਫਾਈਨੈਂਸ ਸੈਕਟਰੀ ਅਤੇ ਮਾਰਕੀਟ ਕਮੇਟੀ ਦੇ ਚੇਅਰਮੈਨ ਦਾ ਧੰਨਵਾਦੀ ਹਾਂ, ਜਿਨ੍ਹਾਂ ਨੇ ਮੇਰੇ ਵਿਰੋਧੀਆਂ ਦੀ ਇੱਕ ਨਹੀਂ ਚੱਲਣ ਦਿੱਤੀ ਅਤੇ ਮੈੇਨੂੰ ਇਨਸਾਫ ਦਿਵਾਇਆ। ਲਾਂਬਾ ਨੇ ਸੇਬ ਦਾ ਵਪਾਰ ਦੁਬਾਰਾ ਸ਼ੁਰੂ ਕਰਦਿਆਂ ਸਾਡੇ ਪੱਤਰਕਾਰ ਨੂੰ ਬਿਲਟੀ ਵਿਖਾਈ, ਜਿਸ ਅਨੁਸਾਰ ਮਾਰਕੀਟ ਕਮੇਟੀ ਨੂੰ ਫੀਸ ਵੀ ਦਿੱਤੀ ਗਈ।